Саха сирин суһал ыстаабын киинэ иһитиннэрэринэн, атырдьах ыйын 21 күнүнээҕи туругунан, өрөспүүбүлүкэбитигэр эбии 519 саҥа хоруона вируһунан ыалдьыбыт киһи баара билиннэ. 32 киһи балыыһаҕа киирбит, 162 киһи үтүөрбүт. Дьокуускайга ыалдьааччы 74,2% баар, оттон оройуоннарга 25,8%.
Ахсааннарынан ыллахха:
- Дьокуускайга – 385 киһи,
- Мэҥэ Хаҥаласка – 24,
- Мииринэйгэ – 21,
- Ха4аласка – 13,
- Алдан оройуонугар – 10,
- Нам, Сунтаар оройуоннарыгар – 7-лии,
- Бүлүү, Ленскэй, Таатта оройуоннарыгар – 5-тии,
- Амма, Үөһээ Бүлүү, Ньурба улуустарыгар – 4-түү,
- Муома, Нерюнгри, Чурапчы оройуоннарыгар 3-түү,
- Үөһээ Дьааҥы, Горнай, Эдьигээн, Өлүөхүмэ, Өлөөн, Томпо оройуоннарыгар – 2-лии,
- Абый, Кэбээй, Орто Халыма, Эбээн Бытантай улуустарыгар – 1-дии.
Суукка иһигэр өрөспүүбүлүкэ лабаратыарыйаларыгар 1455 хоруона вируһун булууга чинчийии буолбут. Хамсык саҕаланыаҕыттан 2 472 099 тиэст оҥоһуллубут.
