Атырдьах ыйын 24 күнүгэр «Саха сирин тимир суоллара» тэрилтэ, дьон баҕатын толорон, Благовещенскай куоракка диэри дьону тиэйэр саҥа 317/318 №-дээх поеһы үлэҕэ киллэрдэ.
Бастакы поезд бүгүн Аллараа Бэстээхтэн киэһэ 17.00 чааска айанныа уонна атырдьах ыйын 26 күнүгэр төннүө. Айан уһуна 1 хонук 16 чаас буолуо. Төннөр айанын кэмэ - биир чааһынан уһун. Поеһы кытта Владивостокка уонна Иркутскайга диэри супту айанныыр вагоннар барсыахтара.
Бүгүҥҥү туругунан, саҥа туһаайыыга билиэт сыаната: плацкарт – 3 тыһ.солк. тахса, купе – 4 тыһ.солк. тахса буолар. Олус бэрт буолбат дуо?
Сонун төрдө: https://rw-y.ru/
