Саҥа үөрэх дьылын көрсө, өрөспүүбүлүкэ 10 учуутала Арассыыйа үөрэҕириитин министиэристибэтэ биллэрбит куонкуруһугар кыайыылаах буоллулар. Кинилэргэ хас биирдиилэригэр федеральнай бүддьүөттэн иитэр-үөрэтэр үлэҕэ ситиһиилэрин иһин 200 тыһ. солк. кээмэйдээх бириэмийэни туттарыахтара.
Бу куонкурус өрөспүүбүлүкэтээҕи түһүмэҕэр 55 учуутал кыттыбыта. Балар ортолоругар 33 – тыа, 22 – куорат оскуолатын алын сүһүөх, нуучча тылын уонна литературатын, технология, математика, англия тылын, химия, информатика, география уонна история учууталлара бааллара. Биһиги бары учууталлары саҥа үөрэх дьыла чугаһаабытынан эҕэрдэлиибит уонна федеральнай куонкурус кыайыылаахтарын долгуйа ааттыыбыт:
- Федорова Любовь Георгиевна, Сунтаар политехническэй интэринээт-лиссиэйин технологияҕа учуутала;
- Терешкина Валентина Дмитриевна, Дьокуускай к. С.Г. Черных аатынан16 №-дээх орто оскуолатын алын сүһүөҕүн учуутала;
- Семенова Оксана Николаевна, Амма улууһун Н.Е. Иванов аатынан агро хайысхалаах Бөтүҥ орто оскуолатын биологияҕа учуутала;
- Дьячковская Татьяна Николаевна, Д.П. Коркин аатынан Чурапчы өрөспүүбүлүкэтээҕи успуорт олимпийскэй эрэллэри бэлэмниир интэринээт-оскуолатын англия тылыгар учуутала;
- Федорова Любовь Афанасьевна, Дьокуускай к. 26 №-дээх орто оскуолатын технологияҕа учуутала;
- Бидикина Елена Валерьевна, Алдан к. 1 №-дээх орто оскуолатын англия тылыгар учуутала;
- Матвеева Павлина Артемовна, И.М. Павлов аатынан Чурапчы орто оскуолатын нуучча тылыгар уонна литературатыгар учуутала;
- Михайлова Зинаида Варфоломеевна, Амма улууһун Болугур орто оскуолатын алын сүһүөххэ учуутала;
- Заморщикова Варвара Васильевна, Дьокуускай к. 31 №-дээх орто оскуолатын алын сүһүөххэ учуутала;
- Екшибаров Виктор Геннадьевич, Мииринэй политехническэй лиссиэйин информатикаҕа учуутала.
Сонун төрдө: CӨ Бырабыыталыстыбатын уонна Ил Дарханын пресс-сулууспата
