Атырдьах ыйын 27 күнүгэр Арассыыйа киинэтин күнэ бэлиэтэнэр. Бу күн Кэбээйи, Мэҥэ Хаҥалас уонна Чурапчы улуустарыгар саҥа 3 киинэ саалатын арыйыахтара. Үөрүүлээх түгэнинэн, киинэ саалаларыгар «Ночь кино» аахсыйа ыытыллыаҕа. Бастакы көрөөччүлэргэ үс киинэни босхо көрдөрүөхтэрэ.
Өрөспүүбүлүкэ салалтатын дьаһалынан, 2022 сылга уопсайа 10 нэһилиэккэ саҥа киинэ саалаларын арыйан үлэҕэ киллэриэхтэрэ. Бу нэһилиэктэр куонкуруһу ааһан субсидияҕа тигистилэр. Култуураҕа уонна духуобунай сайдыыга миниистир бастакы солбуйааччыта Владислав Левочкин быһаарбытынан, субсидия киинэни көрдөрөр тэрил аччыгый кэмпилиэгин атыылаһан ыларга көрүллэр. Кэмпилиэк сыаната 1 мөл. солкуобайтан тахсыа суохтаах. Манна проекционнай аппаратура, компьютер, лиссиэнсийэлээх бырагырааманан хааччыйыы, монитор уонна билиэти атыылыыр (ол иһигэр Пушкинскай картанан) хонтуруоллуур кассовай тиэхиньикэ киирэр. Куонкурус ирдэбилинэн, онтон атынын муниципалитет бэйэтэ хааччыныахтаах.
Аччыгый «Экстра Синема» киинэ саалаларын тэрийии бырайыага Саха сиринээҕи киинэ ситимин (дириэктэр Петр Чиряев) нөҥүө ыытыллар. Санатан эттэххэ, бу бырайыагы Ил Дархан Айсен Николаев РФ Бырабыыталыстыбатын бэрэссэдээтэлэ Михаил Мишустиҥҥа билиһиннэрбитэ. Билигин Саха сиригэр 51 киинэ саалата баар, олортон 23 Саха сиринээҕи киинэ ситимигэр киирэллэр.
1. Горнай улууһун Мытах нэһилиэгэ
4. Уус Алдан улууһун Суотту нэһилиэгэ
Сонун төрдө: CӨ Култуураҕа уонна духуобунай сайдыыга министиэристибэтин пресс-киинэ
