СӨ Бырабыыталыстабатын бэрэссэдээтэлэ Андрей Тарасенко уонна Узбекистан премьер-миниистирин сүбэһитэ Мехриддин Хайриддиновтыын экэниэмикэ, култуура, үөрэх уонна успуорт өттүгэр хардарыта үлэлэһиини күүһүрдэр туһунан кэпсэттилэр.
Көрсүһүүгэ Владивосток куоракка Узбекистан өрөспүүбүлүкэтин сүрүн консула Рустам Исмаилов, Узбекистан миниистирдэрин кабинетын сүрүн исписэлииһэ Элер Тоштемиров, СӨ тас сибээскэ уонна норуот дьыалаларыга миниистирэ Гаврил Кириллин, Дьокуускайга Арассыыйа Тас дойдуларга дьыалаларын министиэристибэтин бэрэстэбиитэлэ Вера Сидорова, СӨ Нэһилиэнньэ дьарыктаах буолуутугар судаарыстыбаннай комитетын бэрэссэдээтэлэ Елена Калашникова кытыннылар.
Андрей Тарасенко Узбекистаны кытта атыы-эргиэн өттүгэр үлэлэһии кэҥээн иһэрин, ол ордук аһы-үөлү кууһунан атыы хайысхатыгар көстөрүн бэлиэтээтэ. Кини инникитин чэпчэки уонна ювелирнай бырамыысалыннаска хайыһыахха сөп диэн этии киллэрдэ.
Мехриддин Хайриддинов САССР 100 сылынан эҕэрдэлээтэ уонна 2021 сыллаахха Саха сиригэр олорор Узбекистан олохтоохторугар дойдуларын бэрэсидьиэнин талалларыгар СӨ Бырабыыталыстыбата бары усулуобуйаны тэрийбитин иһин махтанна. Кини Узбекистан дэлэгээссийэтэ биир дойдулаахтар үлэлии сылдьар эбийиэктэригэр сылдьыахтааҕын кэпсээтэ уонна диаспораны кытта, бастатан туран, үлэлии кэлбит Узбекистан дьоно олохтоох сокуону, үлэҕэ киирии бэрээдэгин, олох-дьаһах үгэстэрин тутуһалларын хааччыйыах кэриҥнээхпит диэн тоһоҕолоон эттэ.
Сонун төрдө: CӨ Бырабыыталыстыбатын уонна Ил Дарханын пресс-сулууспата
Хаартыска: Мария Васильева
