Балаҕан ыйын 1 күнүттэн, Арассыыйа хас биирдии оскуолатыгар, хас үөрэх нэдиэлэтэ саҕаланыытыгар дойдубут гимнин тыаһатар буолуохтара. Саха сиригэр оскуолаларга гимни тыаһатыы туһунан уураахха СӨ Ил Дархана 2019 сыллаахха илии баттаабыта.
«Өрөспүүбүлүкэ үөрэҕириитин бүттүүн тиһигэр үүнэр көлүөнэҕэ патриотизмы иитии уонна гражданскай эппиэтинэстээх буолууну үөскэтии баар буолуохтаах. Оттон оҕолору, Саха сирин кэскиллэрин иитии – биһиги норуоппут өйүн-санаатын уонна духуобунай сыаннастарын салайыыга бүттүүн уопсастыба дьыалатынан буолуохтаах», - диэн Айсен Николаев этэр.
Гимни толоруу быраактыката оскуола оҕолорун дойдуга бэриниилээх буолууларын иитиигэ биир сүрүн элэмиэнинэн буолар. Ааспыт сыл алтынньытыгар, Арассыыйа бэрэсидьиэнэ Владимир Путин бэрэсидьиэн бырабыыталыстыбатыгар уонна дьаһалтатыгар оскуолаларга Арассыыйа былааҕын, гербэтин уонна гимнин туттуу боппуруоһун көрөллөрүгэр соруйбута.
Муус устар 13 күнүгэр, Арассыыйа бырабыыталыстыбатын бэрэссэдээтэлэ Михаил Мишустин «Үөрэҕириини сайыннарыы» судаарыстыбаннай бырагыраамаҕа уларытыыны киллэрии уурааҕар илии баттаабыта.
2022-2023 сылларга бары оскуолалара «Үөрэҕирии» национальнай бырайыагын үбүн суотунан судаарыстбаннай символикалаах буолуохтара.
СӨ Ил Дарханын уонна Бырабыыталыстыбатын пресс-сулууспата
