Быйыл Арассыыйаны утары улахан сааҥсыйалар саҕаланалларын кытта, манна үлэлии олорбут АХШ хампаанньалара бары күргүөмүнэн көһөн барбыттара.
Yeni Safak диэн Турция хаһыата: “Украина айдааныттан сылтаан Арассыыйаттан көһөн барбыт АХШ хампаанньалара билигин кистээн, Турция нөҥүө, Арассыыйаны кытта үлэлэһэ сатыы сылдьаллар. Кинилэр турок хампаанньаларыгар харчы төлөөн, кинилэринэн сирэйдэнэн, Арассыыйаны кытта салгыы үлэлиэхтэрин баҕараллар”, — диэн суруйар. АХШ хампаанньалара Арассыыйаттан ньиэп-хиимийэ бородууксуйатын, минеральнай оттугу-уматыгы, күндү металы уонна тааһы, туораахтаах култуураны, ыстаалы-тимири, уоҕурдууну, итирдэр утаҕы, уу бородууксуйатын уо.д.а. атыылаһаллар этэ.
Быһата, Украинаҕа анал эпэрэээссийэ саҕаламмытын кэннэ 5 тыһ. АХШ хампаанньата аадырыстарын тута уонна “чугастыы” Турцияҕа көһөрбүттэр. Оттон кулун тутар ыйга АХШ Эргиэнин палаататын вице-бэрэсидьиэнэ Майрон Бриллиант Турцияҕа кэлэн турок урбаанньыттарын, бэлиитиктэрин кытта кистээн кэпсэтэн барбыт.
Бэлиитикэ – бэлиитикэнэн, оттон биисинэс – туспа.
