Арассыыйа Үөрэҕин Министиэристибэтэ оскуолаларга уруок кэмигэр суотабай төлөпүөннэри туттууну бопто. Бу саҥа быраабыла балаҕан ыйын 1 күнүттэн олоххо киирдэ.
«Быйылгы үөрэх дьылыттан уруок ыытыллар кэмигэр суотабай төлөпүөннэри туттуу көҥүллэммэт. Маннык дьаһаныы үөрэнээччи үөрэҕиттэн аралдьыйбатын туһугар олоххо киирдэ», - диэн миниистир Сергей Кравцов быһаарар. Кини этэринэн, өскөтүн оскуолаҕа ханнык эмит ыксаллаах быһыы-майгы таҕыстаҕына, биллэрии үлэтин эппиэтинэһэ туһааннаах дьоҥҥо сүктэриллиэ.
РФ Култуураҕа миниистирэ, бэрэсидьиэн Владимир Путин сүбэһитэ Владимир Мединскэй Москубатааҕы учууталлар сүбэ мунньахтарыгар эппитинэн, оскуолаларга уруок ыытыллар кэмигэр үөрэнээччилэр илдьэ кэлбит төлөпүөннэрин анал ыскаапка угуох тустаахтар. Маныаха, миниистир маннык эспэримиэни ханнык эмэ эрэгийиэҥҥэ, чуолаан, Москубаҕа ыытыахха сөп диэн эппитэ... Мединскэй ол санаата хайыы сах олоххо киирдэ.
Оттон эһиги туох дии саныыгытый?
