Саха сиригэр гаас кэлбитэ 55 сылынан, Ньиэп уонна гаас бырамыысаланнаһын үлэһиттэрин күннэринэн Орджоникидзе болуоссатыгар өрөспүүбүлүкэни гаастааһын эрэгийиэннээҕи оператора «Сахатранснефтегаз» АУо былааҕа көтөҕүлүннэ.
Маны сэргэ, болуоссакка производственнай тиэхиникэ быыстапката буола турар. Манна гаас салаатын устуоруйатыттан эспэнээттэри, вездеходнай уонна тутууга сыһыаннаах тиэхиникэлэри көрүөххэ сөп.
Гаас үлэһитин күнүн иннинэ, хампаанньа ыччатын Сүбэтэ көҕүлээһининэн «Сахатранснефтегаз» үлэһиттэрэ бэлэсипиэтинэн айаны олохтоотулар. Велопробег Саха сирин гааһы оҥорон таһаарар собуотуттан Орджоникидзе болуоссатыгар диэри буолла.
«Сахатранснефтегаз» АУо пресс-сулууспата