Киир

Киир

Платоновтар дьиэ кэргэн 2015 сыллаахха, ийэлэрэ Нарыйа Томскайдааҕы  перинатальнай кииҥҥэ түөрт оҕону биирдэ төрөтөөтүн кытары, Арассыыйа үрдүнэн аатырбыттара. Кинилэр Саха сирин устуоруйатыгар аан маҥнайгытын түөрт игирэҕэ күн сирин көрдөрбүттэрэ.

Түөрт оҕону биирдэ төрөтүүгэ 20 исписэлиис кыттыбыта биллэр.  Оттон кинилэри көрүүгэ-харайыыга хас биирдиилэригэр биирдии акушер-гинеколог уонна неонатолог сыһыарыллыбыта.  Оччолорго киин тутаах бырааһа Ирина Евтушенко Томскайга эмиэ аан бастакытын  маннык түөрт игирэ төрөөбүтүн бэлиэтээбитэ.

Саха сиригэр эргиллэн кэлээттэрин кытта, Платоновтарга Дьокуускайга 4 хостоох кыбартыыра бэлэхтээбиттэрэ уонна сир биэрбиттэрэ. Оттон быйыл хайыы үйэ сэттэ саастаах игирэлэр Сардаана, Далаана, Айаана уонна Айтал оскуола аанын арыйдылар.  Кинилэр биир кылааска үөрэнэр дьоллоохтор.

Сонун төрдө: Якутия КП

Тарҕат:

Санааҕын суруй

Бүтэһик сонуннар