Киир

Киир

Бэҕэһээ, өрөбүл күн,  СӨ Быыһыыр сулууспатын водолазтара балаҕан ыйын 4 күнүгэр Уус Маайа оройуонугар Алдан өрүскэ тимирбит «Крым» оҥочону булан хостоон таһаардылар. Бу оҥочо саахалланыытыгар, айаннаан испит дьон кэпсээнинэн, Роспотребнадзор Саха сиринээҕи салаатын эдэр үлэһитэ Александра Николаева ууга түһэн сүппүтэ.

Кинини көрдөөһүҥҥэ күннэтэ Быыһыыр сулууспа үлэһиттэрин кытта ИДьМ, Аччыгый суудуналар иниспиэксийэлэрин, оройуон дьаһалтатын үлэһиттэрэ, сүппүт киһи аймахтара уонна олохтоохтор кытталлар. Балаҕан ыйын 2 күнүгэр «Полярные авиалинии» Ми-8 бөртөлүөтүнэн көрдөөбүттэрэ. Быыһыыр сулууспа водолазтара Алдан өрүс аннынан гидролокаторы туһанан көрдүүллэр.

Оҥочону чопчу хантан, төһө дириҥтэн хостообуттарын туһунан иһитиннэрии кэлэ илик.  Саахал тахсыбыт сириттэн 1 км тэйиччи көстүбүт курдук эттилэр. 

Сонун төрдө: CӨ Быыһыыр сулууспатын пресс-сулууспата

Хаартыска: CӨ Быыһыыр сулууспатын архыыбыттан

Тарҕат:

Санааҕын суруй