Киир

Киир

Владивосток куоракка буола турар VII-с Илиҥҥи экономическай форумҥа Ил Дархан Айсен Николаев Амур уобалаһын губернатора Василий Орловтуун Джалинда (Амур уобалаһа) – Мохэ (Хэйлунцзян провинция, КНР) аан дойдутааҕы тимир суол күргэтин тутуу боппуруоһун  быһаарыста.  

Ил Дархан бу күргэ Арассыыйатааҕы айан көрүдүөрүн Азия уонна Тиихэй акыйаан регионун кытта ситимниирин, манан Саха сириттэн ойуур уонна хайа бырамыысалыннаһын бородууксуйалара экспортанан барыахтарын, бу суол аһылыннаҕына, Кытайга табаары таһаарыы кээмэйэ үрдүөхтээҕин эттэ. Биир курдук, кэнники икки сылга КНР таас чоххо наадыйыыта улаатан иһэринэн, саҥа тимир суол күргэтинэн таас чоҕу тиэйии 20-30 мөл. туоннаҕа тиийиэн сөптөөҕүн бэлиэтээтилэр.

e92d6a13 c0bf 45b2 b7e8 6e663b294c7e

СӨ Тырааныспарга министиэристибэтэ «Граница» ЗАО генеральнай дириэктэрэ Владимир Сакуҥҥа  «Саха сирин тимир суоллара» аахсыйалаах хампаанньаны «Джалинда» тырааныспар-логистика комплексыгар киллэрэр туһунан этиитигэр үтүө хоруй кэллэ. Маны таһынан, «Джалинда» тырааныспар-логистика комплексын тэрийиигэ Амур өрүһүнэн таас чоҕу уонна тимир руданы  Кытайга паромунан уонна лиэнтэлээх кэмбиэйэринэн туоратыыны былаанныыллар.  Кытай салалтата бу бырайыакка  логистика киинин, кэмбиэйэр систиэмэтин уонна суоллары тутууга ылсарга бэлэмин биллэрбит.


Хаартыска: Андрей Сорокин, ЯСИА

 

 

Тарҕат:

Санааҕын суруй