Уус Алдан улууһун Тумул нэһилиэгин олохтооҕо Юрий Петухов 1972 сыллааҕы Мюнхеннааҕы Олимпиада көҥүл тустууга чөмпүйүөнэ, 1976 сыллааҕы Монреаллааҕы Олимпийскай оонньуу үрүҥ көмүс призера, аан дойду уонна Европа чөмпүйүөнэ, ССРС түһүлгэтин алта төгүллээх кыайыылааҕа Роман Дмитриев мэтириэтин Рубик кубиктарыттан оҥорон таһаарбыт. Бу туһунан СӨ Успуорка министиэристибэтэ иһитиннэрэр.
Ураты үлэн «Триумф» спортивнай бэлэмнэнии киинигэр турар. Рубик кубиктарыттан бэртээхэйдик табыллыбыт мэтириэти балаҕан ыйын 10-11 күннэригэр, Бүтүн Арассыыйатааҕы юниордар икки ардыларыгар тустуу күрэхтэһиитин кэмигэр көрүөххэ сөп.
