Киир

Киир

Саха сирин Ил Дархана бэҕэһээ түмүктэммит  быыбар хампаанньатын туһунан  бэйэтин санаатын эппит. Кини өрөспүүбүлүкэҕэ быыбар хампаанньата чиэһинэйдик уонна аһаҕастык ааста диэн сыаналыыр уонна куоластааһыҥҥа кыттыбыт дьоҥҥо махтанар.

Санатан эттэххэ, балаҕан ыйын 11 күнүгэр өрөспүүбүлүкэ 32 оройуонугар барыта 484 быыбар хампаанньата буолан ааста. Ол түмүгүнэн 9 улуус баһылыга, 189 куорат уонна сэлиэнньэ баһылыга, ол иһигэр 13 улуус киинин баһылыга талылыннылар. Ону сэргэ, быыбардааччылар 6 оройуон сэбиэтин, 273 куорат уонна сэлиэнньэ бэрэстэбиитэллээх уорганын дьокутааттарын таллылар.

Айсен Сергеевич бэлиэтээбитинэн, «Биир ньыгыл Арассыыйа» партияттан кыттыбыт хандьыдаат 90% быыбарга кыайыылаах тахсыбыт. Холобура, 180 баһылыкка хандьыдааттан - 71% «Биир ньыгыл Арассыыйа» партияттан,  15% - бэйэлэрэ туруорунан кыттыбыттар. Ону улуус баһылыктарын талыы түмүгэ эмиэ туоһулуур. 

Саҥа талыллыбыт улуус баһылыктара:

Үөһээ Бүлүү улууһа - Владимир Поскачин (төрдүс болдьоххо талылынна, ЕР)

Бүлүү улууһа - Сергей Винокуров (үһүс болдьоххо талылынна, ЕР)

Ньурба улууһа - Алексей Иннокентьев (иккис болдьоххо  талылынна, ЕР)

Мэҥэ Хаҥалас улууһа - Дмитрий Тихонов (Майа с. баһылыга, ЕР)

Томпо оройуона - Яков Степанов (иккис болдьоххо талылынна, ЕР)

Дьааҥы улууһа - Владислав Иванов (Дьааҥы улууһун киин балыыһатын  кыл. бырааһын солбуйааччы, ЕР)

Ленскэй оройуон - Жумарт Абильманов (иккис болдьоххо талылынна, бэйэтэ туруоруммут)

Абый улууһа - Владимир Новиков (бэйэтэ туруоруммут)

Орто Халыма улууһа - Иван Лаптев ("Полярные авиалинии" авиакомпания бортмеханига, СРЗП)

Тарҕат:

Санааҕын суруй

Бүтэһик сонуннар