Дойду бэрэсидьиэнэ Владимир Путин Аҕа Дойду Улуу сэриитин кыттыылаахтарыгар Кыайыы 75 сылынан биир кэмнээх төлөбүрү биэрэр туһунан уураахха илии баттаабыт. Бу туһунан ТАСС иһитиннэрэр.
Сэрии бэтэрээннэрэ, инбэлииттэрэ уонна бу категорияҕа сыстар дьон 75-тии тыһ. солк. көмө быһыытынан ылыахтара. Маны таһынан, маннык төлөбүрү концлааҕырга сылдьыбыт оҕолор, Аҕа Дойду сэриитин кэмигэр фашистар тэрийбит геттоларыгар күһэлэҥинэн сылдьыбыт дьон, Аҕа Дойду сэриитигэр, Финляндияны уонна Япония халабырдьыттарын кытары сэриилэспит байыаннай сулууспалаахтар огдооболоро эмиэ ылыахтара. Оттон тыылга 6 ыйтан итэҕэһэ суох үлэлээбиттэр 50-нуу тыһ. солк. ылыахтара.
