Рособрнадзор быйылгы Судаарыстыбаннай кэлим эксээмэн (ЕГЭ) хампаанньатын бигэргэммит болдьоҕун таһаарда.
Бэс ыйын 29 уонна 30 күннэригэр выпускниктара суох боруобалыыр эксээмэннэр ыытыллыахтара. Онно эксээмэн ыытыллар процедуратын барытын ымпыгар-чымпыгар тиийэ бэрэбиэркэлээн көрүөхтэрэ.
“Бэс ыйын 29-30 күннэригэр боруобалыыр эксээмэннэри ыытыахпыт диэн биир санааннан быһаарынныбыт. Онно СКЭ туох да бутуура, харгыһа суох ыытылларын тургутуохпут, выпускниктар эксээмэҥҥэ кэлэллэригэр аудиторияҕа олорон туохтан да чаҕыйбакка, куттаммакка олороллорун ситиһиэхтээхпит”, - диэн дойду үөрэҕин миниистирэ Сергей Кравцов иһитиннэрдэ..
Боруобалыыр эксээмэн кэннэ, от ыйын 3 күнүттэн аудиторияларга кэлэн (дистанционно буолбатах) тургутугу ааһыахтара.
От ыйын 3 күнэ – географияҕа, литэрэтиирэҕэ уонна информатикаҕа СКЭ.
От ыйын 6 уонна 7 күннэрэ – Нуучча тылыгар саамай маассабай эксээмэн.
От ыйын 10 күнэ – Математикаҕа профильнай эксээмэн.
От ыйын 16 күнэ – Обществознаниеҕа уонна химияҕа СКЭ.
От ыйын 20 күнэ – Биологияҕа уонна омук тылыгар (суругунан толоруллар чаһа) СКЭ.
От ыйын 22 уонна 23 күннэрэ – Омук тылыгар тылынан туттарыы чааһа.
СКЭни туттарыыга саппаас күннэр от ыйын 24 күнүгэр (нуучча уонна омук тылларыттан ураты бары биридимиэттэргэ) уонна от ыйын 25 күнүгэр – бары биридимиэттэргэ былааннаммыттар.
Оттон убаастанар биричиинэнэн от ыйыгар СКЭҕэ кыайан кыттыбат выпускниктарга эбии атырдьах күнүгэр тургутугу ыытыахтара. Маныаха эксээмэн болдьохторун үрдүк үөрэххэ туттарсалларын баттаһар курдук оҥоһуллубут:
Атырдьах ыйын 3 күнэ – географияҕа, литэрэтиирэҕэ, историяҕа уонна омук тылын тылынан туттарар чааһа ыытыллар.
Атырдьах ыйын 5 күнэ – Нуучча тылыгар СКЭ.
Атырдьах ыйын 7 күнэ – обществознание, химия, физика, математика (профильнай) уонна омук тылын суругунан туттарыы чааһа.
Атырдьах ыйын 8 күнэ – бары биридимиэттэри туттарыыга саппаас күн.
