Нуучча тылыгар судаарыстыбаннай кэлим эксээмэни (СКЭ) Саха сиритээн 8 выпускник 100 баалга туттарда. Бу туһунан үөрэх министиэристибэтин пресс-сулууспата суруйар.
Ол курдук, уһулуччу билиилэрин Дарья Черная (Мииринэй улууһун 24-с №-дээх оскуолата), Игорь Назаренко, Арина Перепелица уонна Айталина Санникова (Дьокуускай куораттааҕы лиссиэй), Ирина Иванова (Н.А. Алексеева Тэхэньиичэскэй лиссиэйэ), Күөрэгэй Бурцева, Татьяна Лебедева уонна Алена Николаева (Өрөспүүбүлүкэтээҕи лиссиэй-интэринээт (РЛИ)) көрдөрдүлэр. Нуучча тылын СКЭтэ бэс ыйын 3 уонна 4 күннэригэр ыытыллыбыта. Бастакы күҥҥэ 208 эксээмэн тутар пууҥҥа 5452 выпускник, оттон иккис күнүгэр 18 пууҥҥа 921 выпускник туттарбыта. Олортон 70-тан тахса баалы 2060 выпускник ылбыт.
