Киир

Киир

Ил Дархан Айсен Николаев өрөспүүбүлүкэ суолларыгар-иистэригэр дьон олоҕор куттал суоһаабатын хааччыйары күүһүрдэргэ сорудахтаата. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

“Ааспыт сылларга холоотоххо, Саха сирин суолларыгар дьон саахалга өлүүтэ 7 бырыһыанынан улааппыт. Онуоха суол быһылааныгар эмсэҕэлээбит дьон ахсаана төһө да аччаатар, өлүү – улаата турар”, - диэн Айсен Сергеевич этиитин тиэрдэллэр. Ил Дарха кэнники ыйдарга Дьокуускайга уонна “Халыма” айан суолугар улахан суол быһылааннара тахсыбыттарын ыйбыт. “Халыма” суолугар маршрутнай такси кыттыылаах суол саахала элбээбитин, оттон Дьокуускайга итирик туруктаахтар уруулга олорон саахалга түбэһэллэрин эппит. “Дьокуускай куорат дьаһалтата нэһилиэнньэҕэ сэрэтэр уонна иһитиннэрэр үлэни күүһүрдүөн наада. Бырабыыталыстыба уонна көлө министиэристибэтэ сотору кэминэн суолга халтыраан буоларынан, улуустарга айанныыр таксилары хонтуруоллуохтарын наада”, - диир. Маны таһынан, Айсен Николаев куорат уонна эрэгийиэн суолларыгар видео уонна фотофиксация үлэтэ күүһүрүөхтээх диэн бэлиэтээтэ.

Тарҕат:

Санааҕын суруй