Киир

Киир

Ким да көрбөт эрэ диэн таах сытары илиилэрэ кыһыйан уктан тахсар ылыгас дьон баар буолар. "Тонкости туризма"  анал блогка араас авиахампаанньалар көтөр аалларын экипажтара Арассыыйа олохтоохторо сөмөлүөттэртэн ордук тугу уоран тахсалларын кэпсээбиттэр.

 Ол курдук, ордук чаастатык сөмөлүөккэ баар куттал суоһаабатын иһитиннэрэр брошюралары уонна бортовой сурунааллары сойботоллор эбит. Аны туран, ордук саастаах дьон уораллар эбит. Иккис миэстэҕэ плед уонна сыттык тахсыбыт. Олус өрө барыы баарыттан, экипаж чилиэннэрэ тахсан иһэр айанньыттары уорбалаан көрдүүргэ кытары күһэллэллэр эбит. Онтон үһүскэ — соттор кумааҕы. Бортпроводниктар "оннооҕор рулону-рулонунан уктан тахсаллар, ама да буолбутун иһин, киһи сүөргүлүүр эрэ", - диэн сонньуйбуттар.

Оттон олоппос анныгар кистэнэ сытар быыһыыр сэлиэти уоруу түбэлтэтэ суоҕун кэриэтин ыйбыттар. Хас көтүү түмүктэммитин кэннэ, стаюрдессалар сөмөлүөтү үчүгэйдик сыныйан көрөллөр, туох эмэ тиийбэтин хос уураллар, онон эриэйсэ кэннэ туох мал сүппүтэ тута биллэр.

 

Тарҕат:

Санааҕын суруй

Бүтэһик сонуннар