Киир

Киир

Хаһаайыттарын биллэллэригэр көрдөһөллөр.

Муус устар 18 күнүгэр, түүн түөрт чаас саҕана, Автодорожнай уулуссатыгар, түүҥҥү дьуһуурустуба кэмигэр, полиция үлэһиттэрэ икки иччитэ суох, күлүүһүнэн хатамматах билэсипиэттэр туралларын, итиэннэ туох да бэлиэ суруга суох портативнай гараас сиргэ сытарын булбуттар, диэн иһитиннэрэр Саха сиринээҕи ИДЬМ пресс-сулууспата.

«Кэнники бириэмэҕэ бу маннык малы-салы уорааһын түбэлтэлэрэ элбээбиттэринэн сибээстээн, билэсипиэттэр уонна портативнай гараас Дьокуускай бастакы нүөмэрдээх полициятын отделыгар, салгыы быһаарыллыахтарыгар диэри тиксэриллибиттэр», - диэн этиллэр иһитиннэриигэ.

Ону таһынан полиция бу булуллубут маллар хаһаайыттара малы туоһулуур докумуоннаах 1 №-дээх полиция отделыгар кэлэн, малларын ылалларыгар көрдөһөллөр.

Полиция гражданнары бэйэҕит тус малгытыгар харыстабыллаахтык сыһыаннаһаргытыгар ыҥырар. Икки көлүөһэлээх тырааныспаргытын көрүүтэ суох хаалларымаҥ, чуолаан уопсастыбыннай сирдэргэ уонна дьиэлэр подъездтарын аттыларыгар.

Өрүү билэсипиэккитин тимир күлүүһүнэн хатыы сылдьын, чугас да барар буоллаххытына. Ордук халыҥ тимирдээх күлүүстэри талыҥ, эрбээн барбаттарын курдук.

Билэсипиэккитин баайар күрүөҕүтүн кичэйэн көрүн, түөрэҥэлээбэтин уонна тууллаҥнаабатын курдук.

Билэсипиэккитин видеокамера көрөр далыгар хааллара сатаан. Сэрэхтээх буолун!

Тарҕат:

Санааҕын суруй

Бүтэһик сонуннар