Войти

Войти

Бүгүн, муус устар 20 күнүгэр, Айсен Николаев Москубаттан хоруона хамсыга тарҕаныытын бохсор суһал мунньаҕы ыыппыт. Бу туһунан кини пресс-сэкэрэтээрэ Афанасий Ноев иһитиннэрэр.

Ил Дархан өрөспүүбүлүкэҕэ 2 ковид британскай штамма бэлиэтэммитин эппит. Турцияттан сынньанан кэлбит ыалга ыалдьыбыттар. Британскай штамм олус күүскэ уонна түргэнник тарҕанарын учуоттаан, Дьокуускай өссө кутталлаах балаһыанньаҕа киирбит. тБилигин тас дойдуларга, ол иһигэр Турцияҕа олус элбэх киһи сынньана сылдьарын учуоттаан, балаһыанньа өссө дириҥиир кутталлаах. Онон миэстэтигэр тас дойдуттан кэлээччилэри күүскэ хонтуруоллуулларыгар сорудахтаабыт. Кинилэр хайаан да ПЦР туттаран, госуслуга саайтыгар угуохтаахтар. Айсен Николаев улуустарга нэһилиэнньэҕэ хааччахтары тутуһалларыгар күүстээх үлэ барыахтааҕын эттэ. Дьиэ кэргэнинэн, доҕоттор эҥин буолан мустан айылҕаҕа, дьиэҕэ сынньаныыны, бырааһынньыгы тохтотоллоругар ыҥырда. Мааска, социальнай дистанция, дезинфекция күүһүрэрин ситиһэргэ ыҥырбыт. Ордук болҕомтону үөрэх тэрилтэлэригэр уурарга эппит. Маны таһынан, вакцианация күүскэ барыахтаах.

Тарҕат:

Добавить комментарий