Саха сиригэр ааспыт сууккаҕа эбии 252 киһи хоруона хамсыгар хаптарда. Бу туһунан хамсыгы бохсор өрөспүүбүлүкэтээҕи суһал ыстаап иһитиннэрэр.
Ол курдук, киин куораппытыгар 126 киһи ыалдьыбыт, оттон Өлүөхүмэҕэ —7.
12-лии ыарыһаҕы Алдан, Мэҥэ Хаҥалас уонна Нам улуустарыгар, аҕыстыы — Бүлүү, Ньурба, Таатта уонна Чурапчы, алталыы — Ленскэй, Мииринэй, Нерюнгри уонна Уус Алдан улуустарыгар, биэсти ыарыһах —Кэбээйи уонна Сунтаар улуустарыгар ыалдьыбыттар.
Маны таһынан, Үөһээ Дьааҥы, Горнай, Эдьигээн, Уус Майда уонна Хаҥалас улуустарыгар үстүү ыарыһаҕы, Муому уонна Аллараа Халыма улуустарыгар — биирдии ыарыһаҕы бигэргэппиттэр.
Суукка устатыгар 2860 коронавирус аналыһын чинчийбиттэр, уопсайа хамсык саҕаланыаҕыттан 1553377 маннык анаалыһы чинчийбиттэр.
