Бэҕэһээ, муус устар 25 күнүгэр,Томпо улууһугар "Халыма" федеральнай суол 645 км 4 киһи өлүүлээх суол саахала таҕыста. Быһылаан чахчытынан силиэдэбэтэллэр холуобунай дьыаланы көбүттүлэр.
Айанньыттары тиэммит "Тойота Хайс" массыынаны 57 саастаах суоппар Уус Ньараттан Дьокуускайга айаннатан иһэн, утары суолга тахсан, "Скания" ыарахан уйуктаах массыынаҕа киирэн биэрээхтээбит. Ол түмүгэр суоппар уонна 3 пассажир сырдык тыыннара быстыбыт, 3 киһи араас эчэйиилэри ылбыттар. Өлбүт суоппар уруулга олорбута 40 сыл буолбут. Билигин силиэдэбэтэллэр быһылаан тахсыбыт сиригэр үлэлииллэр.
