Киир

Киир

Мииринэйтэн Дьокуускайга “АЛРОСА-Авиа” хампаанньа сөмөлүөттэрэ нэдиэлэҕэ түөртэ көтөллөр. Киин куораппытыгар диэри айан сыаната – 15-18 тыhыынча солк.

 Биһиэхэ холоотоххо, соҕуруу айанныыр быдан чэпчэки. Уһук Илиҥҥэ киирсэр субсидиялаах тарыыбынан, Москубаҕа көтөргө авиабилет сыаната – 8.700 солк. Маннык авиабилеты ким баҕарар атыылаһыан сөп. Ирдэбиллэрэ – пассажир Уһук Илиҥҥэ бастайааннай бэрэпиискэлээхх буолуохтаах уонна ааҕыныстыбаҕа пааспарын куоппуйатын тиксэриэхтээх. Иркутскайга диэри айанныыргар, 50 саастарын туолбут дьахталларга, 60-гар тиийбит эр дьоҥҥо, 12-тэн 23-кэ диэри саастаах ыччаттарга, көннөрү субсидиялаах авиабилет - 2 тыһыынча солк. эрэ(!). Новосибирскайга диэри эмиэ оннук.Оттон киин куораппытыгар – Дьокуускайбытыгар Иркутскайга, Новосибирскайга барардааҕар быдан ыарахан сыанаҕа айанныыбыт. 15-18 тыһыынча солкуобай. Ортотунан, кэлэ-бара – отучча тыһыынча солк! Дьокуускай куорат маннык бырагыраамаҕа киирсибэт буолан, улуустартан өрөспүүбүлүкэбит киин куоратыгар диэри бас-баттах барбыт сыанаҕа айанныырбытыгар күһэллэбит.

Станислав Алексеев. Мииринэй куората.

 

 

Тарҕат:

Санааҕын суруй