Маай бырааһынньыктарыгар хамсыктан утары быһыыны биэрии уонна хоруона хамсыгын булар лабораториялар күн ахсын күүскэ үлэлиэхтэрэ. Бу туһунан брифинг кэмигэр Елена Борисова эттэ.
Поликлиникаларга уонна учаскыабай балыыһаларга ыарыһахтары күн ахсын 9 ч. 15 ч. дылы көрүөхтэрэ, оттон кыараҕас идэлээх быраастар — расписание быһыытынан. Итии лииньийэлэр уонна Суһал көмө күүстээх эрэсииминэн үлэлиэхтэрэ. Елена Борисова мааска эрэсиимин, социальнай дистанцияны тутуһалларыгар, маай бырааһынньыктарыгар дьону кытары алтыһыыны аччаталларыгар уонна тумуу сибикитэ баар буоллаҕына тута бырааһы ыҥыралларыгар сүбэлээтэ.
