Ол туһунан иһитиннэрии «112» систиэмэҕэ бэс ыйын 21 күнүгэр, киэһэ 21ч.01м. киирдэ.
Көрдүүр үлэлэри ыытаары, быһылаан буолбут сиригэр ГИМС киинин, Саха сиринээҕи быыһыыр сулууспатын уонна Хаҥаластааҕы ИДЬМ үлэһиттэрэ таҕыстылар.
«Быһаарыллыбытынан, сөтүөлүүргэ көҥүлэммэтэх күөлгэ улахан дьон кэтэбилэ суох билбэт ууларыгар киирэн, икки сокуоннай саастарын ситэ илик оҕолор ууга тимирбиттэр», - диэн этиллэр иһитиннэриигэ.
Ууга былдьаммыт оҕолор аймахтарын кытары Арассыыйатааҕы ЫБММ уонна Хаҥалас улууһун психологтара үлэлииллэр.
