Атырдьах ыйын 25 күнүнээҕи туругунан, Саха сиригэр эбии 144 киһи хоруона хамыгар хаптарбыта бигэргэммит. Бу туһунан өрөспүүбүлүкэтээҕи хамсыгы бохсор суһал ыстаап иһитиннэрэр.
Саамай элбэх киһи киин куораппытыгар ыалдьыбыт —82, Мииринэйгэ — 13, Үөһээ Бүлүүгэ — 7, Алдаҥҥа. Нерюнгрига — алталыы киһи, Чурапчыга —5, Кэбээйигэ —4, Бүлүүгэ, Сунтаарга —3-түү, Аммаҕа, Булуҥҥа, Дьааҥыга, Горнайга, Намҥа, Хаҥаласка —2-лии, оттон Аллайыахаҕа, Мэҥэ Хаҥаласка уонна Уус Алдаҥҥа биирдии ыарыһах бигэргэммит.
Суукка устатыгар өрөспүүбүлүкэ лабаратыарыйалара 3438 коронавирус анаалыһын чинчийбиттэр. Уопсайа хамсык саҕаланыаҕыттан 1 мөл. 329 тыһ. 994 маннык тест ыытыллыбыт.
Стопкоронавирус федеральнай саайт суруйарынан, атырдьах ыйын 24 күнүгэр 38 киһи үтүөрбүт, 7 киһи суорума суолламмыт.