Киир

Киир

Бөлүүн Мэҥэ Хаҥаласка айан суолугар суол саахалыгар эдэр суоппар уол өллө уонна икки киһи эмсэҕэлээтэ.

ГИБДДга иһитиннэрбиттэринэн, быһа барыллаан түүн 2 ч. саҕана, "Халыма" федеарльнай айан суолун 36-с км., 20 саастаах суоппар Тойота Премио массыынаны ыытан иһэн, Аллараа Бэстээхтэн Төхтүрдүүр суолтан түһэн маска баран кэтиллибит. Саахалтан суоппар Майа балыыһатыгар тиийэн сырдык тыына быстыбыт.

Кэннигэр олорсон испит 25 саастаах кыыс түөһн уҥуохтара, сиһин тоноҕоһо тостон, иһигэр бааһырыы ылан уонна мэйиитэ доргуйан балыыһаҕа киирбит. Иккис олорсон испит 21 саастаах айанньыт уол хаҥас өттүгүн эчэппит, сирэйэ бааһырбыт. Кинини быраас көрөн баран дьиэтигэр эмтэтэ ыыппыт. Хайалара да курдаммакка айаннаан испиттэр. Өлбүт суоппар быраабын быйыл кулун тутарга ылбыт, ГИБДД лииньийэтинэн 10 төгүл административнай эппиэтинэскэ тардылла сылдьыбыт. Кини аҕатын массыынатын ыытан испит. Суол саахалын матырыйаалын силиэстийэлиир уорганнарга ыыппыттар.

 

Тарҕат:

Санааҕын суруй