Киир

Киир

Хаҥалас хомуурга барбыт эр дьонугар, кинилэр дьиэ кэргэттэригэр, улуус дьаһалтата эрэ буолбакка, нэһилиэктэр эмиэ көмөлөһөллөр. Ол туһунан  баһылык Олег Иринеев иһитиннэрэр.

«Хомуурга барбыттар дьиэ кэргэттэрэ кыһыны этэҥҥэ туоруулларын туһугар оттор маһынан, мууһунан, отунан хааччыйар ирдэнэр.  Маннык көмө өрүс уҥуор турар Хоточчу, Тиит-Эбэ сэлиэнньэлэригэр уонна гааһа суох сирдэргэ оҥоһуллар. Нэһилиэк дьаһалтата үлэлэһэр тыраахтырга 80 лиитирэ уматык биэрдэ. Аҕалар уонна дьахталлар түмсүүлэрэ 130 тыһ. солк. хомуйан хомуурга барбыттарга ыыттылар», - диэн кини кэпсээтэ.

В наслегах Хангаласского улуса оказывают помощь семьям мобилизованных 1

1-кы Малдьаҕар нэһилиэгэр хомуурга ыҥырыллан уонна баҕа өттүнэн барбыт 13 киһи дьиэ кэргэттэригэр нэһилиэк уопсастыбаннай пуондатыттан 12-лии тыһ. солк. көмө харчыны биэрдилэр. Ону таһынан, хас биирдии хомуурга барбыт киһиэхэ  5 тыһ.солк. көрүлүннэ. Нэһилиэк баһылыга  Айталина Васильева, көмөнү түргэтэр туһугар, хас биирдии дьиэ кэргэҥҥэ куратор анаабыттарын уонна оттор маһынан, дьиэ тас үлэтигэр көмө оҥоһулларын туһунан иһитиннэрдэ.  

В наслегах Хангаласского улуса оказывают помощь семьям мобилизованных 2

Тумул нэһилиэгин олохтоохторо эмиэ туора турбаттар. Кинилэр хомуурга барбыттар дьиэ кэргэттэрин оттор маһынан хааччыйыыга субуотунньук тэрийбиттэр. Нэһилиэк баһылыга Сахаяна Лукина кэпсээбитинэн, 3 ыал дьиэтин оттор маһын Аҕа сүбэтэ, Дьахтар сүбэтэ уонна дьаһалта үлэһиттэрэ бэлэмнээбиттэр. Дьаһалта, оскуола, ОДьКХ кэллэктииптэрэ уонна үрдүкү кылаас оҕолоро ону хайытан кыстаан биэрбиттэр. КСК кэллэктиибэ "Саһарҕа" ыччат тэрилтэтин, оскуола үөрэнээччилэрин уонна уһуйаан оҕолорун кытта аһымал кэнсиэр тэрийэннэр  8900 солкуобайы киллэрбиттэр. Нэһилиэк уопсастыбаннай пуондата, олохтоохтор уонна Тумултан төрүттээх дьон көмөлөрүнэн, 100 тыһ.солк. тахса көмө харчыны хомуйбут. 

Сонун төрдө: «Хаҥалас улууһа» МТ пресс-киинэ

Тарҕат:

Санааҕын суруй

Бүтэһик сонуннар