Киир

Киир

Ленин проспегар тырааныспар сырыыта сырдыгы хааччыйар ситими тардыы, светофор эбийиэктэрин уонна суол бэлиэлэрин туруоруу, куттала суох сырыыны тэрийэр үлэ барыта бүттэҕинэ аһыллыа. «Главстрой» тэрилтэ сүрүн уулусса быһа холуйан сэтинньи бүтүүтэ арыллыахтаах диэн этэр.

Билигин ыйыллыбыт үлэлэр проспект Кулаковскай уулуссатыттан саҕалаан Дзержинскэй уулуссатыгар диэри кэрчигэр ыытылла турар. Ону сэргэ, бэдирээттээх «Дорстрой» тэрилтэ тротуар билиитэтин ууран бүтэрэн эрэр. Оттон кэлэр сылга дьоҕус архитектурнай оҥоһуктары туруоруохтара, от-мас олордуохтара уонна болуоссат эбийиэктэрин бөҕөргөтүөхтэрэ.

Быйыл сырдатар ситим уонна светофор эбийиэктэрин боруобаттара саҥа остуолбаларга ыйанан туруохтара. Сир аннынан барар кабель ситимэ суолу тутуу иккис түһүмэҕэ (Кулаковскай – Краснояров, Хабаров – Дзержинскэй уулуссаларыгар) бүттэҕинэ биирдэ холбонуохтаах. Оччоҕо ыйанан турбут боруобаттары хомуйуохтара.

Ленин проспегын Хабаров уонна Краснояров уулуссаларын өттүттэн арыйыы хантараак быһыытынан  2023 сыл бүтүүтэ түмүктэниэхтээх.

Сонун төрдө: Дьокуускай к. уокуруктааҕы дьаһалтатын пресс-сулууспата

Тарҕат:

Сэҥээриилэр

Mellissa
0 Mellissa 14.11.2022 13:35
Aw, this was an exceptionally nice post. Taking the time and actual effort to produce a really good article...
but what can I say... I hesitate a whole lot and don't seem to
get anything done.

Here is my web-site - موقع شوب اند شيب: https://chronicinfections.org/index.php?title=For_Tension-Cost-free_Journey_Adhere_To_These_Easy_Suggestions
Ответить

Санааҕын суруй

Бүтэһик сонуннар