Киир

Киир

Дьокуускайга 143-с кыбаарталга Пирогов уулуссатыгар 4 №-дээх анал (коррекционнай) уопсай үөрэхтээһин оскуолатыгар 180 миэстэлээх саҥа дьиэ тутуллуо. Тутуу саҕаламмытын туһунан биллэрии СӨ тутууну уонна дьиэни-уоту кэтээн көрүүгэ управлениетыгар кэлбит.  

Управление салайааччытын солбуйааччыта Влад Пермяков иһитиннэрбитинэн, үс этээстээх дьиэҕэ үөрэнэр кылаастары таһынан быраас уонна психолог оҕолору кытта үлэлиир хосторо, оскуолаҕа толору күн сылдьар оҕолор оонньуур хосторо, уһанар уонна иистэнэр мастарыскыайдар,  90 миэстэлээх остолобуой, сынньанар сирдэр, 144 киһини батарар эстрадалаах аактабай саала, артыыстар көстүүм уларыттар хосторо, успуорт саалата, былчыҥы эрчийэр саала, ЛФК саалата, мэдисиинэ блоктара баар буолуохтара. Кылаастарга, урукку курдук 25-30 оҕо буолбакка, 12 эбэтэр 6 эрэ оҕо үөрэниэҕэ.

Санатан эттэххэ, коррекционнай оскуола  урукку Чайковскай уулуссаҕа турбут дьиэтиттэн 25 №-дээх оскуолаҕа көһөрүллүбүтэ. Ол дьиэни, саахалланар туруктааҕын иһин, көтүрбүттэрэ. Саҥа эбийиэк Саха сирин салалтата уонна «ПроШкола» ХЭТ түһэрсибит концессионнай сөбүлэҥнэрин чэрчитинэн тутуллар. Былаан быһыытынан, оскуола 2023 сыл бүтүүтүгэр үлэҕэ киириэхтээх.

Сонун төрдө: СӨ тутууну уонна дьиэни-уоту кэтээн көрүүгэ управлениетын пресс-сулууспата

Тарҕат:

Санааҕын суруй