Чувашияҕа, уруулуу өрөспүүбүлүкэбитигэр, чунуобунньуктар оҕолорун биэнсийэҕэ тахсан олорор эбэлэригэр-эһэлэригэр көрдөрөн олорор ыаллар тустарынан сибидиэнньэни хомуйан эрэллэр.
Өрөспүүбүлүкэ салалтата оннук төрөппүттэри административнай эппиэккэ тардаары суоһурҕанар. Тоҕо диэтэххэ, оннук ыаллар “ийэ-аҕа быһыытынан эбээһинэстэрин кыайбаттар” үһү. Судургутук эттэххэ, эһэлэр-эбэлэр сиэннэрин көрөллөрө-харайаллара соһуччу бобуллубут.
Госдума бэрэстэбиитэллэрэ сонуну истээт, тута санааларын эттилэр. Ол курдук, дьокутаат Нина Останина итинник быһаарыы РФ Дьиэ кэргэн кодексын кэһэрин санатта. Тоҕо диэтэххэ, Арассыыйаҕа хас да көлүөнэлээх дьиэ кэргэн – “төрүт үгэс быһыытынан ааҕыллар”.
Бэй.кэр.
Хаартыска: dzen
Сэҥээриилэр