Киир

Киир

Мандарин – Саҥа дьыл биир солбуллубат бэлиэтэ. Ол гынан баран, аһара элбэҕи сиэтэххэ, астыныахтааҕар “алдьаныахха” сөп – цитрустуҥулартан үгүс киһи аллергиялыыр.

Ханнык баҕарар киһи күн устата 200 – 250 граммтан элбэх мандарины сиэ суохтаах. Ол туһунан Москуба куорат Доруобуйа харыстабылыгар департаменын сүрүн диетолога Антонина Стародубова “РИА Новостига” кэпсээбит.

“Мандарин саамай Саҥа дьыллааҕы фрукта диэн мээнэҕэ этиллибэт. Тоҕо диэтэххэ, цитрустуҥулар оруобуна Саҥа дьыл бырааһынньыгын саҕана ситэллэр. Мандарины сиэн чахчы астынар-дуоһуйар туһугар, биир күҥҥэ 200 – 250 граммтан элбэҕи сиэбэтэх ордук”, – диир эбит Стародубова.

Исписэлиис этэринэн, мандарин калорийа элбэҕэ суох – 100 граммҥа 38 килоколорий баар.

“100 грамм фрукта, ортотунан, 8 грамм углеводтаах. Ол да буоллар аһара элбэх цитрустуҥулары, ол иһигэр мандарины, бэл, улахан да киһи сиирэ сэрэхтээх. Киһи быһаччы аллергиялаабатар да, аллергияҕа майгынныырдык ыалдьыан сөп – этэ-сиинэ бааһырыан, кыһыйыан сөп”, – диэн Антонина Стародубова быһаарар.

Бэй.кэр.
Хаартыска: zdorovoepokolenie.ru

Санааҕын суруй

Бүтэһик сонуннар