Халлаан эмискэ сылыйаатын кытта, Саха сиригэр ОРВИ көбөн таҕыста. Биир нэдиэлэ иһигэр ыалдьыбыт киһи ахсаана инньэ 57%-нан эбилиннэ. Ол туһунан тохсунньу 22 күнүгэр Роспотребнадзор Саха сиринээҕи салаата иһитиннэрдэ.
Ол курдук, тохсунньу 19 күнүнээҕи туругунан, Саха сиригэр ОРВИ-нан 4000-тан тахса киһи ыалдьыбыт. Салгыҥҥа көтө сылдьар вирустар ортолоругар барыларын ковид-19 баһыйар – 40%, кириип – 22%, атын тумуу – 38%.
Саха сиригэр кирииби утары 473 582 киһи быһыыны ылбыт. Ол иһигэр 189 260 оҕо уонна 284 322 улахан киһи.
Роспотребнадзор үлэһиттэрэ дьаҥныыр куттал баарынан, илиини-сирэйи сууна сылдьарга, кэмиттэн-кэмигэр дьиэни-уоту салгылатарга, элбэх киһи сылдьар сирдэригэр маасканы кэтэргэ сүбэлиир.
Бэй.кэр.
Хаартыска: Руслан Шамуков/ТАСС
