2025 сыл тохсунньу 1 күнүнээҕи туругунан, Саха сирин нэһилиэнньэтэ 1 007 500 киһи буолбут. Ааспыт биэс сыл иһигэр 30-тан тахса тыһыынча киһинэн эбиллибиппит. Ол туһунан СӨ Үлэҕэ миниистирин солбуйааччыта Елена Теплякова иһитиннэрдэ.
“Нэһилиэнньэбит ахсаана сыл аайы эбиллэн иһэр. Тохсунньу 1 күнүнээҕи туругунан, 1 007 500 буоллубут. Кэлиҥҥи биэс сыл иһигэр 30 тыһыынчаттан тахса киһинэн эбилиннибит. Уһук Илиҥҥэ уонна Арассыыйаҕа барытыгар биир бастыҥ көрдөрүүлээхпит. Оҕо төрөөһүнүнэн уонна айылҕа сиэринэн эбиллиигэ Уһук Илиҥҥэ бастакыбыт, оттон дойду таһымыгар уон бастыҥ иһигэр киирэбит”, – диэн хотун Теплякова кэпсээтэ.
Бэй.кэр.
Хаартыска: Мария Васильева/СИА
