Олунньуга үктэннибит. Сотору күүстээх аҥаардар бырааһынньыктара тигинээн кэлиэҕэ (дьээбэрэн эттэххэ, эр дьон, наскы, бытык хорунар тэрили бэлэх тутарга бэлэм сылдьыҥ). Ол кэннэ сандал саас салаллар!
Дьокуускай сааһын санаатым да, өйбөр уот кыамтата көтөн түһэр. Кыһын төһөнөн тымныы да, соччонон сылааһынан угуттуур сайыны күүтэбит. Ити уот кыамтатын кытта сибээстээх. Олохторугар биирдэ эмэ уокка оҕустарбыт дьон билэр буолуохтаахтар: уот охсор күүһэ кыамтатыгар тэҥнээх. Мин бу хайысханы балай эмэ үчүгэйдик билэбин. Оҕо сылдьан, 14 саастаахпар, араадьыйа куруһуогар дьарыктаммытым. Араас элэктэриичэскэй тэрили хомуйарбар-таҥарбар уокка оҕустаран аҕай биэрбитим. Саамай күүскэ аармыйаҕа сулууспалыы сылдьан, таһаҕас таһар улахан массыынаны сэрээттиир агрегакка оҕустаран турабын. Кыһын. Хараҥа гараас. Сарсыарда. 380 вольт кыамталаах уот саайбыта! Үтүлүктээх сылдьар эрэ буоламмын быыһаммытым быһыылааҕа...
Маны барытын тоҕо кэпсиибин диэ? Уһун тымныы кыһын кэннэ халлаан улам сылыйан барарыттан киһи сүргэтэ көтөҕүллэр, санаата көнньүөрэр.
Саамай истиҥ-иһирэх эйгэлээх бырааһынньык – кэрэ аҥаардар күннэрэ – кулун тутар саҥатыгар буолара мээнэҕэ буолбатах. Эмиэ утары суолталаах күүстэр – “Инь” уонна “Янь” – олоҕу хамсанар аналлаахтар.
Уопсайынан, кулун тутар 8, олунньу 23 күнүн туһунан туспа суруйуом. Билигин олунньуга этэҥҥэ үктэммиппититтэн, сандал сааспыт чугаһаан эрэриттэн үөрүөх тустаахпыт. “Ленские высоты” ЖК кыбартыыраларын атыылаһааччыларыгар ити курдук утарыта суолталаах сонуннаах олоробун. Үчүгэйэ диэн, чэпчэтиилээх аахсыйаларбыт салҕаналлар. Хомойорбут диэн, чэпчэтии %-на 9-тан 8-ка диэри түһэр.
Мантан хайдах да куотар кыахпыт суох – тутуу үлэтэ кыһын бытаардар да, дьиэлэрбит хайыы үйэ дьэндэһэн эрэллэр. Импилээссийэ биир сиргэ тэпсэҥнээбэт. Аны кулун тутар 8 күнэ чугаһаан эрэр. Онон 8 % чэпчэтии тиэмэтигэр сөп түбэһиннэрэр оруннаах курдук.
Кыбартыыраны атыылаһааччылар биһигиттэн бэлэҕи – бырыһыана суох “рассрочканы” – туталларыттан үөрүөхтэрэ диэн эрэнэбит! Болҕойуҥ: чэпчэтиилэр бэйэ-бэйэлэригэр эбиллэллэр. Өскөтүн эһиги кыбартыыра ис өттүн, нууччалыы эттэххэ, отделкатын бэйэҕит оҥосторго быһаарыммыт буоллаххытына, чэпчэтии уопсай суумата 8%-ҥа (+10 тыһ. солк./м2) тэҥнэһэр.
Даҕатан бэлиэтиирим наада: бу этии хааччахтаах, баҕарбат эрэ киһи кыайан тиксэр кыаҕа суох.
Сиһилии атыы отделыттан ыйыталаһыҥ.
