Саха сиригэр “Олох инфраструктурата” национальнай бырайыак чэрчитинэн, 20 тыһыынчаттан тахса массыына гаас уматыкка көспүтүн туһунан СӨ бырамыысыланнаска уонна геологияҕа миниистирэ кэпсээтэ.
Холобур, 2025 сыллаахха 904 тиэхиньикэ метаҥҥа көспүт. 29 улууска 67 гаас сапыраапката арыллыбыт. 2022 сылтан бэттэх Дьокуускайга 174 саҥа, кыра ороскуоттаах, гааһынан барар оптуобус кэлбит. Ол суотугар оптуобус паарката 2023 с. бэттэх 413 мөл. солк. аҥаардас уматыкка кэмчилээбит.
Министиэристибэ чахчыларын иһиттэххэ, бэнсиининэн барар тиэхиньикэ аҕыйаан, салгыҥҥа тахсар бэнсиин, углекислай гаас уонна сиэрэ 20 тыһ. туоннанан аҕыйаабыт.
Саха сиригэр массыынаҕа метан уматык оборудованиетын туруорар анал көҥүллээх биэс тэрилтэ баар: үһэ – Дьокуускайга, биирдии – Мииринэйгэ уонна Ленскэйгэ.
Хаартыска – Autonews.ru
