Социальнай үлэһит күнүн көрсө Мэҥэ Хаҥалас Маттатыгар (Мөҥүрүөн нэһилиэгэ) социальнай-геронтология киинэ арылынна. Аныгы киин “Дьиэ кэргэн” национальнай бырайыак чэрчитинэн тутуллубут. Уопсай иэнэ – 5 тыһыынчаттан тахса квадратнай миэтэрэ. Манна кырдьаҕас-кыаммат уонна доруобуйаларыгар хааччахтаах дьон олоруохтара.
Киин киэҥ-куоҥ хостордоох, сынньанар, кэпсэтэр, маастар-кылаастары, куруһуоктары, физкультураны ыытар анал саалалардаах. Билигин кииҥҥэ 40 киһи киирэн олорор. Бэс ыйын бүтүүтүгэр дьон толору кэлэн бүтүөхтээх.
Аны сотору кэминэн киин иһинэн “Передышка” диэн бырайыак үлэлиэхтээх. Бу бырайыак чэрчитинэн кырдьаҕас-кыаммат киһини көрөн олорор дьон аймахтарын кииҥҥэ аҕалан хаалларан, аҕыйах күн сынньана түһүөхтээхтэр.
Бэй.кэр.
Хаартыска: Саха.гов.ру.
