Тыа хаһаайыстыбатын министиэристибэтэ сырдатарынан, өрөспүүбүлүкэ аргарийдара 39 700 гаа иэннээх сиргэ тыа хаһаайыстыбатын култууратын ыспыттар. Былаан 76%-на туолбут. Кэккэ хаһаайыстыбалар ыһыы үлэтин түмүктээн эрэллэр. Үгүстэр өссө бэс ыйын 11 күнүгэр диэри бүппүттэрэ.
Быйыл уопсайы 10 997 гаа сиргэ бурдук ыһыллыбыт (былаан 89%-на): эбиэс – 7 632 гаа, сэлиэһинэй – 1 187 гаа, ньэчимиэн – 2 132 гаа, кыстыыр оруос – 45,3 гаа.
Сүөһү дороххой аһылыга 21 934 гаа иэннээх сиргэ ыһыллыбыт (былаан 68%-на): биир сыллаах от – 9 305 гаа, урут ыһыллыбыт (былырыын, иллэрээ сыл) элбэх сыллаах от – 12 174 гаа, элбэх сыллаах быйылгы от – 454 гаа.
Хортуоппуй 5 725 гаалаах сиргэ олордуллубут (былаан 89%-на). Барыта 1 137 гаа иэннээх бааһынаҕа оҕуруот аһа олорбут. Ол иһигэр: хаппыыста – 508 гаа, моркуоп – 221 гаа, сүбүөкүлэ – 184 гаа, атын оҕуруот аһа – 222 гаа.
Былаан быһыытынан, быйыл Саха сиригэр тыа хаһаайыстыбатын култуурата барыта 52 600 гаалаах сиргэ олоруохтаах: бурдук – 12 400 гаа, сүөһү аһылыга – 32 400 гаа, хортуоппуй – 6 400 гаа, бааһынаҕа олорор оҕуруот аһа – 1 400 гаа.
Былаан быһыытынан, быйыл күһүн бачча туонна тыа хаһаайыстыбатын бородууксуйата хомуллуохтаах: бурдук – 14 000 туонна, хортуоппуй – 76 000 туонна, бааһынаны сэргэ тэпилииссэҕэ үүнэр оҕуруот аһа – 29 100 туонна.
