Суоппардар, бульдозеристар, сыбаарсыктар, элиэктириктэр – бу Саха сиригэр саамай ирдэнэр идэлэр.
2026 сыл бастакы аҥаарын түмүгүнэн Саха сиригэр саамай ирдэнэр идэлээх үлэһиттэр оробуочайдар буолбуттар. Бакаансыйа үс гыммыттан иккитэ кинилэргэ тиксэр. Ол туһунан Дьарыктаах буолуу судаарыстыбаннай кэмитиэтэ иһитиннэрэр.
Тохсунньуттан саҕалаан от ыйыгар диэри 1 600-чэ тэрилтэ үлэһити көрдүүрүн туһунан биллэриини таһаарбыт. Дьарыктаах буолуу киинин нөҥүө барыта 23,6 тыһыынча бакаансыйа тахсыбытыттан, 15 тыһыынчаттан тахсата, ол эбэтэр 63,6%-на – оробуочай идэ.
Саамай ирдэнэр идэлээхтэр ортолоругар манныктар киирбиттэр: суоппардар, харабыллар, электрогазо-сыбаарсыктар, уот тэрилин-оборудованиетын электромонтердара, электро-силиэсэрдэр, сыбаарсыктар, бульдозер массыньыыстара.
Оттон үрдүк үөрэхтээх дьон ортотугар ордук инженердэри, учууталлары, быраастары, баспытааталлары уонна маастардары сэргэ биэлсэрдэри көрдүүллэр эбит.
