Алтынньы 14-дэ – тыа хаһаайыстыбатын уонна астыыр бырамыысыланнас үлэһиттэрин идэлээх бырааһынньыктарын Күнэ.Төрүт дьарыкка сыралаһар үтүөкэн дьоммутун истиҥник эҕэрдэлиибит! Бу бэлиэ даатаҕа сыһыаран, алтынньы 14 күнүгэр, өрөбүлгэ, “Сахаспецтехника” хампаанньа уонна СӨ Тыа хаһаайыстыбатын министиэристибэтэ Аһаҕас аан күнүн тэрийэллэр.
Киирии, истии, сүбэ ылыыта – босхо. Тыа олохтоохторун өйүүр социальнай өйөбүл чэрчитинэн, барытын “Спецтехника” хампаанньа уйунар.
Кэлиҥ, кыттыҥ, сылдьыҥ, сайдыыга туһаныҥ. Маннык, бу иннинэ буолбатах киэҥ хабааннаах тэрээһин мантан инньэ сыллата буолуоҕун тэрийээччилэр этэллэр.
Аһаҕас аан күнүн былаана:
11 ч. – “Сахаспецтехника” генеральнай дириэктэрэ Ф.М. Федоров эҕэрдэ тыла.
11 ч 15. – ТХМ бэрэстэбиитэллэрэ судаарыстыба көрөр граннарын, субсидияларын уонна ТХМ бырагыраамаларын сиһилии билиһиннэриэхтэрэ.
11 ч. 45. – Дьокуускай к. нолуокка Ааҕыныстыбатын дириэктэрэ А. Окорокова тыа хаһаайыстыбатын эйгэтигэр сыһыаннаах нолуок туһунан кэпсиэҕэ.
12 ч.15. – Дьокуускай уокуругун испэсэлииһэ грант уонна сайыам Бырагырааматан быһаарыа.
12 ч.30. – Дьокуускай бааннарын үлэһиттэрэ кирэдьиит бырагырааматын, бырыһыана суох уһатан төлөһүү туһунан кэпсиэхтэрэ.
13 ч. – 14 ч.00 – Өрөспүүбүлүкэ тыа хаһаайыстыбатынан дьарыктанар тэрилтэлэрин тэриллиилэрин, сайдыыларын туһунан билиһиннэрии буолуо.
14 ч. – 16 ч.00 – Сиэксийэлэринэн арахсан, тус сүбэни-аманы ылыаххыт. Кофе-брейк, хаартыскаҕа түһүү.
