Нерюнгри куорат аэропордугар икки этээстээх пассажирскай терминал тутуллуоҕа диэн, транспорт министиэристибэтин пресс-сулууспата иһитиннэрэр.
“Саҥа терминалга биир чаас иһигэр 300-чэ киһи сылдьан ааһар буолуоҕа. Бастакы этээс көтүөхтээх дьоҥҥо, онтон иккис этээс күүтэр дьоҥҥо ананыа. Уонна аһыыр сир, оҕолоох ийэ хоһо баар буолуоҕа. Терминал уопсай иэнэ 9 132 кв м тэҥ», — диэн иһитиннэриигэ этиллэр.
Тутуу бырайыагын государственнай экспертиза сүрүн управлениета бигэргэппит. Үбүлээһинэ федеральнай бүддьүөттэн көрүллүөҕэ.
