Бу күннэргэ Олоҥхо дойдутун Сунтаар сирин делегацията саха киһитэ мээнэ үктэммэтэх, ыраах, күннээх Мексикаҕа ыалдьыттыыр.
Сунтаар уран уустара – Вильям Яковлев, Юрий Ксенофонтов, Лука Егоров Мексика сиригэр Вальядолид куорат тыатыгар саха түһүлгэтин төрүттээри сэргэни кыһа, уһана сылдьаллар. Мастара биһиги дойдубутугар үүнэр курдук мас буолбакка, “тимир мас” диэн үһү. Инньэ гынан ону кыһарга олус уустуктардаах эбит.
Ол эрээри, дьэрэкээн, ис айылгылаах Аар Баҕах Сэргэни уустар ардаҕы ардах диэбэккэ, үлэ үөһүгэр оҥоро сылдьаллар. Кинилэргэ олохтоох индиэйэстэр күүс-көмө буолаллар.
Вильям - сири-сибииринэн саха төрүт култууратын тарҕатааччы, кини номнуо кымыһын ытыктаан көөнньөрө уурбут.
Саха култууратын билиһиннэрии бырайыага саҕаланара 3-4 эрэ хонук хаалла, онуоха дылы Сунтаар кэскиллээх ыччаттара Чичен-Ицу, сенот Ик-Куль диэн Мексика туристическай экскурсиятыгар Татьяна Корякина диэн саха сирдээччи кыыһын кытта сылдьаллар.
Оҕолор саҥа дойду сирин-уотун, култууратын кытта билсэн олус сөҕөллөр.