Тохсунньу 23 күнүгэр Дьокуускайдааҕы уонна куорат таһынааҕы оскуолаларга биллэриллибит харантыын олунньу 13 күнүгэр диэри уһаата.
Дьаҥнааһын (ОРВИ) биллэ үрдээн харантыын уһаабыта бэлиэтэнэр. Бастаан олунньу 1 күнүгэр диэри оскуолаларга үөрэх тохтообута, онтон биир нэдиэлэ уһаппыттара. Бүгүн хамыыһыйа быһаарыытынан харантыын олунньу 13 күнүгэр диэри уһаата.
Дьокуускайдааҕы үөрэх управлениетын начальнига Алексей Семенов иһитиннэрбитинэн, харантыын сааскы каникулга сабыдыаллаабат.
