Олунньу 16-17 күннэригэр саха уустарын “Дархан Уус” диэн онус үбүлүөйдээх быыстапката ыытыллыа.
Санатабыт, саха быһаҕын бастакы быыстапкатын эдэр урбаанньыт уонна меценат Серафим Попов тэрийбитэ. Билигин кини доҕотторо уонна биир санаалаах дьон түмсэн быыстапка сылын аайы ыытыллар үгэскэ кубулуйда.
Бу бырайыагы көҕүлээччилэринэн Борис Неустроев-Мандар Уус уонна норуот маастара, норуоттар икки ардыларынааҕы быыстапкалар хас да төгүллээх кыайыылааҕа Сарыал Билюкин буолаллар.
Күрэс номинациялара: “Бастыҥ уус-уран быһах”, “Бастыҥ булт быһаҕа”, “Бастыҥ ас быһаҕа”. Дьүүллүүр сүбэ кыайыылаахтарга Дархан Уус статуэтканы туттарыахтара.
Быыстапка арыллыытын күнүгэр ыалдьыттар, Мандар Уус “Саха биилээҕэ” диэн килиин кэллиэксийэтин көрүөхтэрэ. Ону таһынан саха батыйатын, батаһын, үҥүүтүн тургутуохтара. Иккис күнүгэр саха быһаҕын оҥорууга маастар кылаастар ыытыллыахтара.
