Суут бириистэптэр федеральнай сулууспаларын Саха сиринээҕи Управлениета ааспыт сыллааҕы үлэ түмүгүн таһаарда уонна бу сыл сүрүн соругун торумнаата.
Кэллиэгийэ кэмигэр бэлиэтээбиттэринэн, ирдэбилгэ модьуйар докумуон ахсаана элбээн иһэр. Ол курдук барыта 715 тыһыынча толорторуулаах лиис дьыалата (былырыын 543 тыһ. этэ) көбүтүллүбүт. Биир суут бириистэбигэр ортотунан сылга 4066 матырыйаал бэриллэр. 2018 сылга суут бириистэптэр уопсайа 6 миллиард 310 мөлүйүөн солкуобай ирдээн туттулар. Мантан 2 миллиард 645 мөлүйүөнтэн тахсата бүддьүөт туһатыгар киирдэ (былырыын 1 млрд 800 мөл. солк. этэ).
2018 сыл устата дойду тас өттүгэр тахсары быстах кэмҥэ хааччахтааһын 40 тыһ. толоруулаах дьыала тэриллибит, онтн 3,5 тыһ. киһи иэһин төлөөн, уопсайа 347,5 мөлүйүөн солкуобайдаах иэһи саппыттар. Иэстээх дьн тас дойдуга тахсаллара хааччахтаммытын кэннэ уопсайа 10,5 мөл. солк. иэс тутулунна. Ол иһигэр 4,5 мөл. солк. – элимиэн иэһэ, 2,5 мөл. солк. - административнай ыстыраап, 3,5 мөл. солк. – буруйу оҥоруу түмүгэр хоромньу иэһэ.
Сыл устата 891 иэстээх киһи көһүннэ. Олортон 387 киһи – элимиэҥҥэ иэстээх. 369 холуобунай дьыала силиэстийэлэнэн бүтэн, суут көрүүтүгэр барда. Сутттан, силиэстийэттэн куота-саһа сылдьар 57 киһи тутулунна. Арассыыйа таһыгар 97 тас дойду дьоно уонна гражданствота суох киһи утаарылынна.
Кэллиэктэрдэр ааҕыныстыбаларын хонтуруоллуурга, дьарайарга 67 киһи үҥсүү түһэрбит. Ол түмүгэр биир юридическэй сирэй административнай эппиэккэ тардыллыбыт.
Бу туһунан ФССП Саха сиринээҕи управлениетын пресс-сулууспата иһитиннэрэр.
