Бүгүн, муус устар 23 күнүгэр “Полярные авиалинии” авиа-хампаанньа Ан-3 сөмөлүөтэ, Маҕантан Уус Алдан улууһун Бороҕонугар диэри бастакы холоон көрүү рейсын оҥордо.
Экипаж чилиэннэрэ этэллэринэн, мантан инньэ нэдиэлэҕэ иккитэ, үстэ көтүөхтэрин сөп. Бастакы көтүү этэҥҥэ ааспыт. Сөмөлүөт көтөр уонна түһэр суола бары ирдэбилгэ эппиэттиир. Экипаһы улуус баһылыгын солбуйааччы Семен Бурнашев көрүстэ. Кини этэринэн Дьокуускайга диэри үөһэнэн сырыы нэһилиэнньэҕэ олус наадалаах. Бу хайысханан сырыы ааспыт сыллаахха сэтинньи ыйга уу суола турар кэмигэр оҥоһуллубута. Дьон олус диэн туһаммыта. Ан-3 сөмөлүөккэ тоҕус киһи киирэр, көтүү чаас аҥаара курдук буолар.
