Амма улууһугар “Якутскэнерго” исписэлиистэрэ үрдүк күүрүүлээх уот линиятын өрөмүөннүүллэр.
Оройуоннааҕы уот ситимин үлэһиттэрэ “Михайловка – Сулҕачча” хайысханан 35 кВ Л-41 күүрүүлээх уот линиятын боруобаттарын уларыталлар. 2015 сылтан 26 арыттаах, 19,74 км уһуннаах АС-50 маркалаах боруобаты АС-95 маркаҕа уларыттылар. Оройуоннааҕы уот ситимин сүрүн инженерэ Анатолий Иванов маннык кэпсиир: “Амма улууһугар сыл аайы “41” линияҕа быһа холоон биир мегаватынан ноҕорууска үрдүү турар. Биһиги үлэһиттэрбит түөрт сыл тухары былаан быһыытынан боруобаттары уларыталлар. Инньэ гынан, уотунан хааччыйыы хаачыстыбата тупсар”.
