Амма улууһун тыатын хаһаайыстыбатын салалтата сайыҥҥы түөрт ыйдарга ыанньыксыттар икки ардыларыгар өлгөм үүтү ыаһыҥҥа күрэхтэһии биллэрдэ. Бааһынай хаһаайыстыбалар күөх сирэмҥэ үктэниини үөрүүнэн, күргүөмнээх үлэнэн көрүстүлэр.
Амма улууһун бааһынай хаһаайыстыбаларын Ассоциацияларын бэрэссэдээтэлэ Александра Цыпандина көҕүлээһининэн, үрүҥ илгэни дэлэтээччилэр Бөтүҥ нэһилиэгин „Сайылык“ учаастагар муһуннулар. Кинилэр ааспыт сылтан тутуута саҕаламмыт “Чолбон” бааһынай хаһаайыстыба сайылык хотонун тутууга көмөлөстүлэр. Онон хаһаайыстыба салайааччыта Пелагея Иванова сотору кэминэн саҥа сайылыгар көһүөҕэ. Пелагея Петровналаах сайылыктарыгар үс кыбартыыралаах дьиэни уонна титииги барытын бэйэлэрин күүстэринэн былырыыҥҥыттан саҕалаабыттара. Манна икки сүүстэн тахса сүөһү, ол иһигэр сүүстэн тахса ыанар ынах баар. Сайылык күнүгэр сөп түбэһиннэрэн, Амма улууһун бааһынай хаһаайыстыбаларын бэрэссэдээтэлэ Александра Цыпандина салататынан Сэргэ Бэстэн Константин Фомин, Мээндигиттэн Татьяна Яковлева, Амматтан Мария Иванова уонна Анна Тихонова бааһынай хаһаайыстыбалара тахсан субуотунньуктаан көмөлөстүлэр. Ынах ыыр аппарат тардыллан бүтэн турар. Сотору көһөн тахсаары тутуу күргүөмнээх үлэтэ бара турар. Бөтүҥтэн эмиэ тэрилтэлэртэн 26 киһи тахсаннар үчүгэй холобуру көрдөрдүлэр.
Амма улууһугар барыта 45 сайылык, ол иһигэр 15 ыанньык пиэрмэ баар.“ Бөтүҥ“ СХПК сайылыгы уларытан, тупсаран оҥоруу бырагыраамматыгар хапсыбыта. Абаҕаҕа “Дьаам” сайылыга үлэҕэ киирбитэ. Аны “Оһохтоох” тутуута бүтэн саҥа сайылыкка үлэ саҕаланыаҕа. Сатаҕай Дьоруой Лукин аатынан уонна Чакыр “Кэскил” хаһаайыстыбалара Грант ылары ситистилэр.
–Сайыҥҥы ыйдарга өлгөм үүтү ыыр соруктаах улуус үрдүнэн пиэрмэлэр, бааһынай, чааһынай хаһаайыстыбалар, ыанньыксыттар икки ардыларыгар түөрт ыйдаах куоталаһыы биллэрилиннэ. Күрэхтэһии балаһыанньатыгар ынах сиэмэлэниитин былаана туолуутуттан саҕалаан, биир ынахтан үүтү ыаһын киирдэ. Алтай ынахтарыттан 2400, бааһынай хаһаайыстыбаларга 1400, табаарынай хаһаайыстыбалара 1800 киилэ үүтү ыан сайыҥҥы кыраапыгы толорбут ыанньыксыт кыайыылааҕынан тахсыаҕа. Түмүк алтынньы 1 күнүгэр биллиэҕэ, оттон наҕараадалааһын “Идэһэ” бырааһынньыгар туттарыллыаҕа, – диэн кэпсиир Ассоциация бэрэссэдээтэлэ Александра Цыпандина.
Алтана Артемьева, ulus.media
Сэҥээриилэр
2 сезон 1 серия: https://bit.ly/igra-v-kalmara-2-sezon-1-seriya-2021
Also visit my site: Вечные: https://bit.ly/Vichni-2021-dyvytys-onlayn
Also visit my page - Вечные: https://bit.ly/3k7aaip
фільми 2021 українською: https://bit.ly/f%D1%96lmi-ukra%D1%97nskoyu-2021-2022
Хэллоуин убивает: https://bit.ly/300avMC
мовою онлайн в хорошій якості HD
Ампир V: https://bit.ly/ampir-V
HD якості Страшные истории для рассказа незнакомцам: https://bit.ly/30cqmb7
2021 року Ледяной демон
смотреть онлайн: https://bit.ly/2ZYWFde
Also visit my homepage: Человек
паук смотреть онлайн: https://clck.ru/XEMJK
Охотники за привидениями
смотреть онлайн: https://bit.ly/2Ypzjgq