СӨ Суруналыыстарын сойууһа, Арассыыйа Национальнай СМИлэрин ассоциацията уонна Култуура үлэһиттэрин идэлээх сойуустарын Саха сиринээҕи кэмитиэтэ саха тылынан суруйар суруналыыстар ортолоругар көҥүл тиэмэҕэ суруналыыстыка жанрдарынан аһаҕас күрэҕи биллэрэр.
Жанрдара:
- “Бастыҥ кэпсээччи” (отчуот, репортаж, кэмэнтээрий, чинчийии);
- “Бастыҥ кэпсэтээччи” (интервью, монолог, диалог);
- “Бастыҥ дьүһүйээччи” (очерк, зарисовка, эссе);
- “Бастыҥ эҕэһит” (фельетон, памфлет);
- “Бастыҥ ирдьит” (суруналыыс силиэстийэтэ, ирдэһии);
- “Бастыҥ суоллааҕы бэлиэтээһин”;
- “Бастыҥ ырытааччы” (ыстатыйа, ырытыы, рецензия);
- “Бастыҥ анаарааччы” (аналитическай ыстатыйа, анаарыы).
Хас биирдии номинация I, II, III миэстэлэрдээх.
Күрэхтэһээччи хас да жанрга кыттара көҥүллэнэр.
Күрэххэ 2018 с. ыам ыйын 1 күнүттэн 2019 с. бэс ыйын 1 күнүгэр диэри өрөспүүбүлүкэ, улуус, нэһилиэк бэчээтигэр уонна интэриниэт ситимигэр тахсыбыт үлэлэр тутуллаллар.
Үлэлэри туттарарга кыттар жанрдарынан тус-туһунан паапкаҕа угуллар. Инники лиискэ кыттааччы туһунан кылгас билиһиннэрии баар буолуохтаах. Салгыы күрэх үлэлэрэ: хаһыат, сурунаал балаһалара (куоппуйалар), интэриниэт саайтан бэчээттэммит скриншоттар угуллаллар.
Тутуу болдьоҕо: 2019 сыл бэс ыйын 20 күнүгэр диэри.
Туттарыллар аадырыс:
677018, Дьокуускай к., Орджоникидзе аатынан уул., 31, 115 хос., СӨ Суруналыыстарын сойууһа, төл.: 8-914-274-31-43, 8-914-235-61-62
Ыраах сиртэн электрон почтанан ыытыахха сөп: Этот адрес электронной почты защищён от спам-ботов. У вас должен быть включен JavaScript для просмотра.
Түмүк 2019 сыл бэс ыйын 27 күнүгэр диэри тахсар.
Кыайыылаахтар I истиэпэннээх дипломунан, анал бирииһинэн, миэстэлэспиттэр II, III истиэпэннээх дипломнарынан наҕараадаланыахтара. Саха суруналыыстыкатын сайдарыгар баҕалаах тэрилтэлэр анал биһирэбил бириистэри олохтуохтарын сөп.
Наҕараадалааһын 2019 с. от ыйын 1 күнүгэр Саха бэчээтэ төрүттэммит күнүгэр үөрүүлээх тэрээһин кэмигэр туттарыллар.
БЫҺААРЫЫ: Уһун Дьурантаайы ‒ олоҥхоҕо кэпсэнэр Айыы халлааныгар олорор суруксут. Аҕыс кырыылаах аалыы дьэҥкир таас баҕанатыгар Үрдүк Айыылар ыйаахтарынан аан дойду олоҕун тутулун уонна Орто дойду дьонун дьылҕаларын суруйар.